Simon Gfeller

Numen es Schlüheli -Nur ein Schlücklein
Es Gschichtli us em Emmenthal - Ein Geschichtlein aus dem Emmenthal

Ufgähn u Ungergähn

Grossätti ischt e Tawner gsi,
Het schröckli müesse gitte
U schier sis ganze Läbe lang
Der Holzschueh müesse ritte.

Der Aetti bringts zum Läderschueh
Mit Wärchen u mit Huse.
Sis Güetli luegt am Sunnerain
Hübsch us de Bäumen use.

Der Suhn stellt Zeichnigschüeh i Stal
U cha drü Ross yspanne,
U wen er Chäs is Stedtli füehrt
Het är Bottinen anne.

Der Grosssuhn het Ritstiefel treit...
Wy trouche... Schese gfahre...
Doch was er zletscht het hingerloh
Das zug men uf em Chare.

Der Jüngscht, dä foht vo vornen a,
Muess i de Holzschueh gnoppe
U d'Löcher a sim Hüslidach
Mit Miesch u Strouh verschoppe.

A der Chilchemuur vo Lützelflüh het s drü Greber noch binenand: Albert Bitzius (Jeremias Gotthelf), Simon Gfeller u Emanuel Friedli (My Syte zum Friedli). Die drei hei vil ta für ds Bärndütsch u die bärnischi Volkskultur. Bärndütsch gschribe het aber numen eine, dr Simon Gfeller, Lehrer uf der Egg. (Churzi Biographie hie.)
Unbedingt ga luege müesst Dir d Syte vo der (Simon-Gfeller-Stiftung).
O Wikipedia schrybt über e Simon Gfeller.

SIMON GFELLER (* 8. April 1868 in Trachselwald ; † 8. Januar 1943 in Sumiswald)

Ufgähn u Ungergähn

SIMON GFELLER
(* 8. April 1868 in Trachselwald ; † 8. Januar 1943 in Sumiswald)